2010-03-04 20:33:52

Bloggedíblogg

Já kannski spurning að taka þennan jólasvein

Allavega þá er ég útskrifuð sem grunnskólakennari. Til hamingju ég Það gekk rosalega vel síðasta laugardag og mikið hátíðarskap í Háskólabíó þar sem útskriftin fór fram. Ég útskrifaðist með 8.10 í meðaleinkunn sem mér finnst magnað Það er gaman að sjá á einkunnarblaðinu hvernig einkunnirnar hækkuðu og hækkuðu eftir því hvað á leið. Í fyrstu áföngunum í ensku var ég að fá 7.5 og svo hækkar þetta upp í 8.5 og 9

Annars gengur lífið sinn vanagang hér á heimilinu. Við Magni fórum á kransakökunámskeið og það var mjög gaman. Núna kann ég að gera kransaköku

Yfir og út

Viltu tjá þig? [Bloggedíblogg] (1 hefur tjáð sig) [2010-03-08 13:46:56]

2010-02-20 10:16:54

Svaka löt

Ég er alveg svakalega löt að blogga!!! En allavega allt ljómandi fínt að frétta af okkur Magna. Við ætlum að dúlla okkur saman um helgina þar sem það er konudagshelgi. Svo næstu helgi er ég að útskrifast...víví

Mig hefur alltaf langað að læra að gera kransaköku og hef sagt í nokkur ár þegar ég hef séð auglýsinguna frá blómaval að núna ætti ég að skella mér en aldrei farið En núna skráði ég mig bara einn tveir og þrír og má taka með gest þannig Magni minn ætlar að koma með mér þannig við verðum kransakökumeistarar Svo ætla Sigrún, ég og Berglind að læra að gera fondant á kökur og þá hlýt ég að vera orðin nokkuð góður bakari Ég er allavega orðin meistari að gera marensbotn og gerði bollur síðustu helgi sem heppnuðust mjög vel

Viltu tjá þig? [Svaka löt] (4 hafa tjáð sig) [2010-03-08 13:48:05]

2010-02-12 08:22:28

Grasekkja

Magni er í skíðaferð í Austurríki, ég segi alltaf við fólk að hann sé í brúðkaupsferðinni okkar. Hann fór bara einn í sparnaðarskyni Svo er ég með massa hálsríg og þá bæti ég við að viðhaldið taki svo mikið á Hahaha ég er svo fyndinn

En svona til þess að fólk paniki ekki þá var nú löngu planað að Magni færi í þessa skíðaferð áður en við ákváðum að gifta okkur og ég er ekki með neitt viðhald, bara saumaði yfir mig einn daginn

Annars hef ég haft nóg fyrir stafni á meðan Magni hefur verið í burtu. En drengurinn kemur nú á morgun þannig ég þarf ekki að örvænta.

Góða helgi

Viltu tjá þig? [Grasekkja] (3 hafa tjáð sig) [2010-02-21 21:45:08]

2010-02-01 19:35:25

Bók #2 á árinu búin

Búin að lesa bók #2 á þessu ári. Var að klára bókina Horfðu á mig eftir Yrsu Sigurðardóttir. Ég var ekki alveg að fíla hana fyrst þar sem ég ímyndaði mér sambýlið sem ég vann einu sinni og á því miður ekki góðar minningar þaðan. En ég náði svo að hætta að hugsa um gamla sambýlið og kom mér inn í bókina. Hún var mjög spennandi í lokin og ég er sátt við endirinn. Núna er ég búin að opna bók #3 og hún heitir Dóttir mín, dóttir þín eftir Dorothy Koomson.

Annars er ég komin AFTUR með flensu. Ég virðist grípa allt sem er í loftinu. Að vísu var mér svakalega kalt allan föstudaginn þannig kannski náði ég í eitthvað þá. Ég ætla samt að skella mér í blóðprufu í vikunni og kannski sér hann hvað er að mér....ef það er eitthvað að mér Ég verð allavega heima á morgun en vona að ég komist í vinnuna á miðvikudaginn. Ég verð

Ég ætlaði að skella inn mynd af 15 ára teppinu en ég er í makkanum þannig ég verð að setja inn mynd síðar

Viltu tjá þig? [Bók #2 á árinu búin] (2 hafa tjáð sig) [2010-02-02 10:11:23]

2010-01-26 18:09:41

Bóndadagshelgi

Magni bað um bóndadagshelgi...ekki einn dag heldur 3 daga Í fljótu bragði er þetta sem við gerðum um helgina....

Matar-og spilakvöld hjá Gumma og Þuru
Hot Yoga
Hryggur og frúmans
Bíltúr
Videógláp
Tölvunördast
Vinafólk í mat

Við erum alltaf að fá fleiri og fleiri brúðkaupsgjafir. Fengum gjöf á fimmtudaginn, föstudaginn, laugardaginn og sunnudaginn Takk fyrir okkur

Ég er algert nörd. Var áðan að skoða hvað ég ætti eftir að klippa mikið út fyrir 15 ára teppið og ég á eftir að kaupa eitt efni, eitt í hversdagsteppið....eitt efni Svo á ég alveg nóg nóg nóg í jólateppið.

Já við hjónin mættum í stöðvaþjálfun í gær og ég vaknaði með miklar harðsperrur, þær verða víst verri á morgun...úff púff. Hlakka til í vetur að fara í stöðvaþjálfun og hot yoga í hverri viku.

Viltu tjá þig? [Bóndadagshelgi] (2 hafa tjáð sig) [2010-01-29 11:49:13]

2010-01-20 08:28:08

Nokkrar myndir

Var í vandræðum um daginn að bæta við myndum þannig núna set ég nokkrar inn. Þessar myndir eru nú allar á fésinu en sumir eru bara ekki með fésið

Viltu tjá þig? [Nokkrar myndir] (1 hefur tjáð sig) [2010-01-20 13:36:50]

2010-01-15 15:58:52

Brúðkaupsveislan

Brúðkaupsveislan okkar Magna var æðisleg. Við héldum veisluna á Rauðará og eina sem við áttum að gera var að mæta. Við mættum um 19 og þá byrjuðu gestirnir að týnast inn. Um 20 byrjaði borðhaldið með því að Sigrún systir hélt æðislega sæta ræðu um okkur Magna ásamt því að bjóða öllum velkomin í veisluna. Svo byrjaði átið. Fyrst fengum við humarsúpu. Síðan fengum við lambakjöt og nautakjöt og í eftirétt var frönsk súkkulaðikaka með ís. Í eftir eftirrétt var svo kaffi, konfekt og koníak. Það voru teknar fullt af myndum en við Magni stefnum svo á að fara í myndatöku í febrúar eða um útskriftina mína. Um 23 fóru þeir sem voru eftir upp í koníkasstofu og spjallað til miðnættis. Við hjónakornin ásamt Sigrúnu og Erlu fóru svo á kaffi París og fengum okkur smá snarl.

Ég er alveg rosalega ánægð með þetta og fannst þetta vera fullkomið kvöld. Við fengum pakka og þökkum kærlega fyrir þá. Ég var bara að fatta það núna að ég er ekki búin að hringja í alla og þakka fyrir mig, það fer á to do listann fyrir næstu viku

Viltu tjá þig? [Brúðkaupsveislan] (5 hafa tjáð sig) [2010-01-21 20:05:21]

2010-01-02 00:46:02

01.01.2010

Fyrsti dagur ársins 2010 var rosalega góður og vona að árið verði jafn gott og dagurinn. Við vöknuðum í fyrra laginu þrátt fyrir að hafa vakað lengi fram eftir. Vorum í veislu hjá Sigrúnu systur sem var æði. Við ákváðum að skella okkur á Avatar í 3D klukkan 13. Ég pantaði miða á midi.is því að ég hélt að það yrði fullt út að dyrum en þegar við mættum í bíóið þá voru rosalega fáir. Ég mæli eindregið með þessari mynd.

Þegar heim var komið lögðumst við upp í rúm og lásum bækurnar sem jólasveininn gaf okkur í skóinn. Ég kláraði fyrstu bókina mín á árinu, Svörtuloft eftir Arnald og eins og Avatar þá mæli ég eindregið með þessari bók. Ég ætla að telja eins og Sigrún systir bækurnar sem ég les á árinu. Núna hef ég mikinn tíma til að lesa vegna þess ég hef engar skólabækur að lesa Ég ætla nú samt að halda mig við og vera dugleg að kynna mér nýjustu rannsóknir og greinar í faginu. Allavega þá er komin stór bunki af bókum á náttborðið mitt að lesa.

Í kvöld spiluðum við Ticket to ride sem Sigrún og co gáfu okkur í jólagjöf (vá búin að nefna nafnið hennar systur minnar 3 í þessu bloggi..hehe). Magni vann mig í bæði skiptinn. Hann er bara svona óheppinn í ástum. Sigrún sagði einmitt við mig þegar ég hringdi í hana og sagði henni að við værum gift að hún samgladdist mér en sendi Magna samúðarkveðjur að hafa gifst mér Smart

Við horfðum svo á seinni mynd Steig Larsson Flickan som lekte med elden. Svaka spennandi.

Ég er aðeins byrjuð að taka niður jólaskrautið Klára það í vikunni bara

Farinn upp í rúm að lesa bók númer 2 á árinu sem er eftir Yrsu, Horfðu á mig.

Viltu tjá þig? [01.01.2010] (3 hafa tjáð sig) [2010-01-12 00:40:24]

2009-12-30 08:06:20

Annáll 2009

Það er ekki hægt að segja annað nema að þetta ár hefur verið viðburðaríkt eins og síðasta ár.

Í janúar var frekar rólegt hjá mér, ég var mikið í bútasaum og byrjaði nýtt ár í Háskólanum. Byrjaði að vinna að lokaritgerðinni minni sem mér tókst loks að skila í lok október á þessu ári. Magni var svo auðvitað 30 ára þann 13. janúar og í tilefni af því héldum við veislu á afmælisdaginn hans sem heppnaðist mjög vel. Ég smitaðist af þæfingu um jólin 2008 og byrjaði að prófa mig áfram í því og afraksturinn á árinu urðu nokkur sjöl og mjög margar kúlur utan um jólaseríu þar sem ég tók að mér í vinnunni að kenna vinnufélögunum mínum að þæfa kúlur utan um jólaseríu.

Febrúar bar svo í garð og þann 5. febrúar fór ég í aðgerð á hægri fætinum þar sem reynt var að laga hælbeinið. Ég var svo heppinn að það var akkúrat frí í skólanum í tvær vikur þannig ég gat tekið því rólega heima og fékk fullt af góðu fólki til mín í heimsókn að hugsa um mig. Því miður er ég ekki enn orðin nógu góð en ég vona að það fari allt að koma með tímanum því að tíminn læknar jú öll sár.

Í mars fengum við Magni fyrsta brúðkaupsboðskortið af mörgum þetta árið. Magni fór í skíðaferð með vinnunni mér til mikillar gleði því að þá var ég með stelpu helgi og ég, Björk, Inga og Þuríður vorum heima hjá mér að föndra og sauma. Inga hjálpaði mér að sauma emami kjól sem ég er bara búin að nota einu sinni á árinu!! 15. mars áttum við Magni 7 ára afmæli saman en þar sem hann var á Akureyri héldum við upp á afmælið okkar helgina eftir og fórum í dekur í Nordica Spa.

1. apríl var ár síðan ég hrundi niður stigann og hælbrotnaði. Erla Diljá besta frænka fermdist einnig í apríl og er hún því komin í fullorðinsmanna tölu og sætasti frændi varð 1. árs. Steinunn og Hjörtur giftu sig og héldu rosa veislu. Páskarnir gengu í garð og Eva Dögg vinkona var svo heppinn að eiga afmæli á Páskadag en hún hélt upp á það með stæl með Hawai þemu seinna í mánuðinum. Um páskanna fórum við í matarboð til Sigrúnar systur, Margrétar og Simma og ömmu og afa. Við keyptum einnig þrjú ný málverk inn á heimilið eftir ungan málara á Selfossi. Ég held að bestu fréttirnar í apríl voru þær að ég fékk vinnu á Landspítalanum í Kópavogi sem þroskaþjálfi og það besta var að ég og mamma yrðum að vinna saman. Ég er núna búin að vera að vinna þar í 5 mánuði og líkar alveg rosalega vel og er mjög mjög ánægð. Mánuðurinn endaði svo á kveðjuhófi bekkjarins þar sem enskudeildin hélt upp smá boð með kennurunum og skildust leiðir okkar. Bekkurinn er samt mjög samrýndur og við höfum verið dugleg að hittast.

Maí kom svo á eftir apríl eins og á hverju ári og hélt Öddi bróðir svaka partý þar sem hann og Anika urðu 30. ára árinu. Hann eignaðist líka litla dömu sem fékk nafnið Eyrún Eva. Magni fór í vinnuferð til Finnlands í nokkra daga og var ég því ein í kotinu og reyndi að skrifa lokaritgerðina mína. Eurovision var í fullum gangi í maí og ég gerði díl við Magna að ef Noregur mundi vinna þá mundum við fara út á næsta ári (2010) og horfa live á Eurovison. Viti menn Noregur vann og það eru miklar líkur á því að við séum að fara í maí sem klappsýrur Íslands. Ég, Þuríður og Rikki vöktum langt fram á nótt til að horfa á American Idol live. Ég hélt auðvitað upp á Adam Lambert sem því miður vann ekki!

Í júní skelltum við Magni okkur til Mallorca í 2 vikur. Sú ferð var mjög viðburðarík. Við keyrðum um alla eyjuna og ég prófaði að kafa í fyrsta sinn. Vinapar okkar Magga og Júlli giftu sig í júní en þar sem við vorum úti þá komumst við ekki. Eftir ferðina tók hverdagsleikinn við og ég hélt áfram að hamast í ritgerðinni.

Í júlí byrjaði ég að versla jólagjafirnar, ekki seinna vænna og ég og mamma vorum saman að dunda okkur í sumarfríi og höfum það rosalega gott. Við Magni leigðum okkur scooter og keyrðum um bæinn, ætlum pottþétt að gera það á þessu ári aftur.

4. ágúst eftir verslunarmannahelgina byrjaði ég að vinna á Landspítalanum í Kópavogi. Örn vinur okkar giftist Jane og fengum við að vita að þau ættu von á barni sem ætti að fara koma bráðlega í heiminn. Ég gerðist mjög djörf og klippti topp! Ég er mjög ánægð með breytinguna. Ég fékk líklegast svínaflensuna og var heima í 10 daga! Þetta er versta flensa sem ég hef fengið, lá bara í rúminu og gat ekkert gert!!! Ég byrjaði síðustu önnina mína í Háskólanum sem var bæði léttir og smá söknuður að núna væri þetta að taka enda.

2 Unlimited kom til landsins í byrjun september og ég, Magni, Björk og Inga fórum á tónleikana, það var alveg svakalega gaman og ég hef sjaldan skemmt mér eins vel á balli áður. Það var spiluð 90´s tónlist allt kvöldið og ég dansaði af mér fæturnar í buffalo skónum mínum. Ég átti svo afmæli 20. september og Þuríður og Gummi komu með okkur Magna út að borða í tilefni af deginum. Ég man ekki alveg hvað ég varð gömul, ég held 20+ eitthvað!

Í október fór ég og Þuríður saman í vettvangsnám í Rimaskóla. Við vorum að kenna saman í tvær vikur nemendum á miðstigi. Vettvangsnámið gekk rosalega vel og við fengum 9 í einkunn fyrir það. Magni fór í aðra vinnuferð til útlanda og enn og aftur var ég ein í kotinu en hafði það samt mjög gott. Þann 29. október fór ég í aðgerð á vinstri fætinum mínum. Sú aðgerð gekk vel og er ég orðin frekar góð í þeim fæti. Kim hélt upp á 30. ára afmælið sitt í lok október og það var geggjað góður matur þar í boði.

Í byrjun nóvember ákváðum við Magni að gifta okkur 24. desember og sögðum engum frá því, jú presturinn og gullsmiðurinn vissu það. Boltinn byrjaði þar að rúlla við þurftum að gera ýmislegt og redda ýmsu fyrir giftinguna og það tók lúmskan tíma þótt þetta var nú ekki stórt.

Desember gekk í garð og auðvitað var ég í miklu jólaskapi. Það var líka mikill spenningur fyrir giftingunni. Ég kláraði síðasta prófið mitt í Háskólanum og fékk 8 í því á lokaprófinu en á eftir að fá lokaeinkunn. Ég var mikið að jólast og stúttast fyrir jólin og svo kom aðfangadagur og við Magni giftum okkur. Haldinn verður svo veisla í kvöld á veitingastaðnum Rauðará fyrir foreldra, systkini, ömmur og afa.

Gleðilegt nýtt ár kæru lesendur.

Viltu tjá þig? [Annáll 2009] (10 hafa tjáð sig) [2010-01-03 19:02:08]

2009-12-22 11:59:13

Jólin eru að koma

Sem betur fer er ég búin að öllu fyrir jól annars væri ég í vondum málum þar sem ég er veik Byrjaði að vera svakalega óglatt um miðnætti á sunnudagskvöldið og var andvaka um nóttina því að mér leið eins og ég væri að fara að æla Svo bara varð ég að vera heima í gær og ég treysti mér ekki í morgun í vinnuna en var samt komin hálf út úr dyrunum

Ég stefni á að fara á morgun þar sem ég er að leika jólasvein í skötuveislunni My dream is coming true

En annars er allt ljómandi gott að frétta, helgin var alveg stöppuð. Brjálað að gera en samt ótrúlega gaman.

Ég er ekki að trúa því að það séu að koma jól, það var svo langt í þetta fyrir 30 dögum

Er að setja myndir inn á fésið

Viltu tjá þig? [Jólin eru að koma] (Enginn hefur sagt orð)